FANDOM

Foto de Simon
Alo! Me abita en England, do me labora como programor de compiladores e bancos de datos. Me ia programi ance la disionario de elefen, e ia prepara lo per sua publici en julio 2018 como un libro primida. Me es multe interesada par linguas – e spesial par linguas construida.

A universia (a plu ca dudes-sinco anios de aora), me ia studia la linguas latina e elinica, e ia entra a la comunia de esperanto. Me judi aora ce la gramatica de esperanto es plu complicada ca on ta desira per un lingua aidante, e ce sua vocabulo conteni parolas difisil per pronunsia – an si me es tan profonda abituada a esta cualias ce me no persepi usual los como problemes. Me gusta multe esperanto, an tal, ma me esplora constante la otra linguas artifisial.

Elefen es la lingua prima par cual me ia es tan saisida ce me ia desira partisipa ativa en sua evolui: lo es simple, bela, espresosa, e – en alga modos – estrema natural. Me es grasiosa ce me ia pote contribui a la elimina de alga noncoeres peti en sua vocabulo e ia pote aida boni sua gramatica. Me ia tradui multe naras e otra testos a elefen, incluinte La cade de la Casa de Usor de Edgar Allan Poe, Un canta de natal de Charles Dickens, e Alisia en la pais de mervelias de Lewis Carroll.

Me scrive la blog Aora oji, cual publici un article de novas internasional, en elefen, a un ves per dia. Lo es visitada a plu ca 40 000 veses.

La foto acompaniante ia es fada a la fini de la congresa 100 mundal de esperanto en Lille, en agosto de 2015.

Alisia en la pais de merveliasEdit

AlisiaEvertype

La libro prima en elefen, mea tradui de "Alice's Adventures in Wonderland", es aora disponable!

amazon.comevertype.com

"Alisia" es la marca de nosa norma per la lingua. – Jorj

Alisia comensa deveni multe noiada, sentante a lado de sua sore sur la colineta, con no cosa per ocupa se: a un o du veses, el ia regardeta en la libro cual sua sore leje, ma lo conteni no pitures o conversas, “e cual es la valua de un libro,” Alisia pensa, “sin pitures o conversas?”

Leje plu…

La move a la vici nova Edit

Pajes ancora en esta vici

Pajes lingual Edit

Mea traduis Edit

Otra pajes cual me ia scrive Edit

Pajes sistemal de la vici Edit

Adirijes permanente per pajes de LFNEdit


Community content is available under CC-BY-SA unless otherwise noted.