FANDOM


En elefen, per spele nomes propre – como nomes de persones, locas jeografial noninternasional, corporas, marcas comersial, etc – on usa un forma tan simil como posible a la spele en la lingua orijinal.

Cuando acel lingua no usa la alfabeta roman, elefen usa la transcrive ofisial (o la plu comun) per lo, jeneral seguente la recomendas de UNGEGN.

(Per transcrive nomes internasional, como de nasiones moderna, la metodo es diferente.)

Regula fundal Edit

Si la nom es orijinal scriveda en la alfabeta roman, no cambia lo. Reteni la spele orijinal. An tal, en un testo nonformal, on pote sutrae sinietas e sustitui leteras simple per leteras cual no apare en la alfabeta fundal de 26 leteras.

Si no, segue la sistem la plu ofisial o comun usada en la linguas romanica. Per esemplo, usa piniin per transcrive nomes xines, e romaji per transcrive nomes japanes. Regulas plu detaliosa apare en la pajes seguente:

Casos spesial Edit

Elefen ave regulas spesial per:

Nomes ofisial Edit

  • Tota nasiones moderna ave un nom ofisial en elefen.
    • Alga paises cual on regarda como nasiones (como Tibet e Sibir) es simil ofisialida.
    • La formas ajetival de estas, ance usada per nomi poplas e linguas, es ance fisada.
  • Mares, cadenas de montes, desertos, e rios ave nomes ofisial en elefen si los es internasional conoseda.

Prefere la nom local Edit

  • Per nasiones, imperos o poplas istorial, prefere la nom ofisial o la nom cual la popla mesma ia usa per se. Si no tal nom esiste, on debe adota un forma comun usada en la linguas romanica a la regulas de elefen, incluinte la usa de sufisas.
  • Per lagos, montanias, desertos, e rios, prefere la nom ofisial o comun en la lingua de la paises do los es situada.
  • Per statos, provinses, sites, vilas, areas spesial, e similes, reteni la nom ofisial o local usada. Ma on tradui normal la parolas "Site de …", "… Nova", "… Norde", "… Sude", "… Este", e "… Ueste" a elefen.
  • Per persones, usa la nom orijinal, sin cambia.

Indica la pronunsia Edit

Cuando la spele de un nom no permete ce on divina fasil la pronunsia, nos recomenda indica prosima la pronunsia entre brasetas reta. Usa la spele normal de elefen, con un sinieta agu a la vocal asentuada:

Ajaccio [aiátxu]

Ma en la plu casos on no nesesa fa esta. Per pronunsia vocales stranjer, on simpli los a la corespondentes la plu prosima en elefen. La U franses o Ü deutx es pronunsiada como U, e la EU franses o Ö deutx como O. La diftongos EI e OU es pronunsiada como E e O. Vocales en nomes engles pote presenta problemes, ma on pote pronunsia "Idaho" o "Ohio" como scriveda. La consonantes K e Q es pronunsiada como C. W sona como U, e Y como I. Consonantes cual es duplida en scrive es pronunsiada en modo simple, no duple.

Vide ance Edit

Community content is available under CC-BY-SA unless otherwise noted.