FANDOM


Istorias
Herodoto
Traduida par Chabi

Esta es la rexercas de Herodoto de Halicarnaso, cual el publici, en la espera de manteni de la dejenera la suvenir de lo ce la omes ia fa, e de evita ce la grande e merveliosa atas de la elinicas e la barbares ta perde sua gloria, e per rejistra la fondo de la disputa.

1. Seguente la farsis plu informada en istoria, la fenisias ia es la autores de tota la disputas cual ia comensa entre la elinicas e otra nasiones. Pos ce los ia veni de la Mar Eritrean a la nosa, los ia coloni la rejion cual oji los ocupa, e ia comensa comersia en sua longa navigas. Cargada sua barcones de benes de Egipte e Asiria, un de la multa locas do los ia atera es Argos, la stato xef de la rejion cual nos nomi Elas.