FANDOM


De la fundi de la Site
Tito Livio
traduida par Chabi

Per comensa, lo es jeneral asetada ce pos la catura de Troia, en cuando la resta de la troianes ia es masacrada, contra du de los (Enea e Antenor) la aceanes ia refusa eserse la direto de gera, partal par causa de vea lias de ospitia, e partal car esta omes sempre ia es favorable a dona Helena e fa la pas. Sua fortunas seguente ia es multe diferente.


Antenor ia naviga a en la parte plu estrema de la Mar Adriatica, acompaniada par un numero de enetianes, ci ia es espulsada de Paflagonia par un revolui, e pos perde sua re Filemene ante Troia los ia es xercante un colonia e un gidor. La fortias combinada de enetianes e troianes ia vinse la euganes, ci ia abita entre la mar e la Alpes e ia ocupa sua tera. La loca do los ia desembarca ia es nomida Troia, e la nom ia es estendeda a la distrito visina; la tota nasion ia es nomida venetos. Mal fortunas simil fa de Enea un vagor, ma la Fortuna ia es preparante un destina plu alta per el.