FANDOM


En gramatica, un suproposa de parla nondireta es un suproposa cual dona contenidas a cual la proposa xef refere. Ave du formas de proposas de conteni: suproposas de declara e suproposas de demanda.

Suproposas de declara pote ave roles gramatical varios. Los servi frecuente como ojetos de verbos de reporta, pensa, e persepi:

  • El ia dise a el ce el ia es intelijente.
  • El ia pensa ce el ia es amin.
  • Me oia ce los ia comensa cortea.
  • Los desira ce los ia encontra plu temprana.

Los opera simil con alga ajetivos verbin:

  • Me no es serta ce el ia es coreta.
  • El ia deside comensa car el ia es convinseda ce el pote maneja el sin aida.

Los pote ance servi como completintes de nomes – no sola nomes cual coresponde a la verbos a supra, ma ance nomes como fato, idea, etc:

  • ...la nos espera ce la mundo intera va conose pas a alga dia...
  • ...la fato ce tota materia obedi la mesma leges fisical...
  • ...la idea ce un fio ta fa un cosa como esta a se padre...

Final, los pote servi como sujetos, o como ojetos, de verbos cual lia los a ajetivos o otra completintes:

  • Surprende me ce la studiantes ia es tan avansada.
  • Es importante ce nos recorda esta dia.
  • Me es triste ce el no conose la responde.
  • Anoia me ce el fa acel.

Un sujunta es cuasi sempre incluida, ma el no debe es ce:

  • Me prefere ce tu no dise esta a cualcun.
  • Me gusta cuando el visita.
  • Disturba me como el no es consernada con se desiras.

La suproposas de demanda pote es usada en multe de la mesma modos como la proposas de conteni declarada. Per esemplo, los es frecuente ojetos de verbos de pensa, reporta, e persepi, ma asi, los asentua la conose o la asentia de la conose de un fato. On pote imajina ce la suproposa es un demanda a cual on ave o no ave la responde:

  • Me sabe cual tu ia fa.
  • Me no pote divina como tu maneja el.
  • Me demanda a me esce me pare tan mal.

Semantical, los pote servi como completintes ajetival e nomal, ma los es jeneral introduida par un preposada, la plu comun de:

  • ...la demanda de ci ia es culpable...
  • ...se curiosia sur como el ia aveni...
  • ...serta de cual el ia vide...

E, como suproposas de declara, los pote servi como la sujeto de un verbo o como un ojeto de la verbo cual lia los a la completinte:

  • Es no conoseda de do los veni.
  • Me es corajida par como multe femes joven es xercante careras en la siensas.
Community content is available under CC-BY-SA unless otherwise noted.