FANDOM


Foros > Conversa comunial > Tradui un llibro?

Alo!

Me gusta multe la libro "La aventuras de Alisia...". Lo ave la imajes orijinal.

Si me vole crea un tradui de alga libro clasical, cual va ave la imajes orijinal, como me debe fa?

Harri harri (talk) 14:07, March 22, 2019 (UTC)

  • Esce tu demanda como tu ta fa la tradui, o como tu ta scane la imajes, o como tu ta ajunta la imajes a la tradui? Un scanador pote furni un copia dijital de un imaje; on pote edita la imaje resultante per beli lo, per esemplo par reblanci la color de la paje vea. Cuando on ave la imajes, on pote envia los a la vici; alora on pote ajunta los a la testo de un paje par tape la nom de la imaje entre brasetas reta duple, como esta: [[Image:Alisia00.jpg]] Simon

Grasias! Si, me a ia vole sabe, como me oteni la imajes e como me junta la testo con la imajes.

Tua responde aida me multe. Donce, la plataforma de crea es la vici? Esce lo es posible fisa pajes nonfinida sin publici los?

harri (talk) 18:56, March 22, 2019 (UTC)

  • Esta vici es un plataforma de crea. Me ia suposa ce tua demanda refere a esta vici car tu ia fa la demanda asi, e car me ia prepara mea tradui de Alisia asi (plu tarda, lo ia deveni un libro primida). Ma vera on pote publici documentos enlinia en multe modos. Si tu prefere no profondi en tecnicales complicada, cisa la modo la plu recomendable es ce tu prepara la documento en un program de scrive (Word, LibreOffice Writer, Google Docs, etc) e ce, a la fini, tu esporta tua documento como un fix pdf. Tal, tu pote eleje fasil la aspeta de la testo, la marjines, la stilo de leteras, etc, e tu pote inclui cualce imajes seguente tua desira. Tu pote alora publici la fix pdf a plataformas diversa. Simon

Plu grasias, Simon! Me pensa ce esta consela es bon, car me no es abituada a labora en la rede. harri (talk) 20:55, March 22, 2019 (UTC)

Alo, Simon! Me ia comensa tradui la libro "Wini-la-Pu" par A.A. Milne. Me va vole mostra mea traduis a tu per discute. Esce lo es oce, ce nos discute usante eposta? Mea adirije es hs.savolainen@gmail.com. Si lo es oce, per favore responde ala!

Esperante un primavera bon a tu! Harri harri (talk) 15:48, May 30, 2019 (UTC)

Community content is available under CC-BY-SA unless otherwise noted.